Жамият 30.01.2019 👁 662

ЮЛДУЗЛАP ИЧИДА ЭНГ ЁPУҒИ

Сокин қиш ойларининг совуқ кунлари. 1938 йил 30 январь куни бир бахтли аёл она бўлди. Чақалоқ йиғиси оламни тутди. Она шундай севиндики, “мен бўлғуси Президентни дунёга келтирдим, деб эмас, балки оналик бахти насиб этди, болам соғлом дунёга келди, деб қувонди. Йиллар ўтиб ана шу гўдак Биринчи Президентимиз Ислом Абдуғаниевич Каримов халқимизнинг суянган тоғи, тинч уйқумиз, тўкин дастурхонимизнинг сабабчиси, мустақиллигимизни абадий қилган буюк инсонга айланди.

Ислом Каримов кўплаб соҳаларда ўз меҳнат фаолиятини олиб борган. Тиришқоқлиги, халқсеварлиги, мардлиги билан оғир дамларда халқига далда бўлиб халқ ичида, одамларнинг дард-у ташвишларига ечим топиб, доруломон заминни барпо этди. Тасаввур қилинг, худди ботқоққа чўкаётган инсоннинг қўлидан тортиб, уни қирғоққа олиб чиқиб, ҳаёт йўлини равон қилган мард-у майдон бўлди у.

Ислом Каримов барча соҳаларни ривожлантирди, спортга бўлган эътибори туфайли мамлакатимиз дунёга маълум ва машҳур бўлди. Pио Де Жанейрода бўлиб ўтган олимпиада мусобақаларида спортчиларимиз Ватанимиз шарафини янада юксалтирдилар. Ўзбекистон спортчиларини аҳли дунё олқишлаб турган кунларда биз буюк бобомиздан – И.А.Каримовдан жудо бўлдик...

Бугун ҳаёт давом этмоқда. И.Каримов ишларининг изчил давомчиси Ш.М.Мирзиёев ўз устозининг шарафли йўлидан бориб, халқимизни янада нурафшон, порлоқ келажак сари бошламоқда. И.Каримовнинг ёрқин хотираси эса юракларда мангудир.

Абадият чархида

Айланган сиймо бўлиб,

Яшадингиз доимо,

Бизга мададкор бўлиб.

Сизга таъзим қилайин,

Сиздан илҳом олайин.

Доим қалбимда яшанг,

Унутмаймиз, бобожон!

Сиз қурган иморатда

Яшар иноқ халқингиз.

Номингиз юракларда,

Дуо қилар халқингиз.