21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 16:27
Жамият 👁 784

НАВРЎЗ КЕЗАЁТИР ВАТАНДА!

НАВРЎЗ КЕЗАЁТИР ВАТАНДА!

Баҳор! Унинг бағрида қандай мўъжиза борки, ер юзида инсон зоти пайдо бўлганидан бери бу гўзал ва фусункор фаслга интилади. Энг митти жонзотдан тортиб, то закий Одамгача бу фасл оғушида ҳаловат, рўшнолик топади. Одам қувонади, яратиш, яшариш ишқи билан ёнади. Бу ишқ алангалангани сари табиат – замин-у осмон яшнайди, ҳар қарич ерда ҳаётбахш ҳарорат уйғонади. Ана шу ҳарорат жумлаи оламга тароват бағишлайди. Бу – Баҳор таровати – Наврўз нафаси!

Ҳар гал Ватанга Наврўз нафаслари билан гўзаллик, ажиб ўзгаришлар, янгиланишлар, бири-биридан эзгу орзулар кириб келади. Шундай дамларда само сайрини бошлаб юборган турфа қушларнинг парвозларини кузатганмисиз? Кузатинг!

Тумшуғида чўп тутган, бир чимдим лой тишлаб олган қушлар. Бири-биридан ўзиб, учиб-қўнаётган қалдирғочлар. Улар ин қуриш тараддудида! Ўз оилалари таъминоти учун жонҳалак улар! Худди инсонлар каби жуфтлашиб-жуфтлашиб ҳаётга, яшашга, яратишга муштоқ қушлар.

Мен уларнинг бу ҳаракатларини кузатарканман, кўз ўнгимда жадал ўзгараётган, янгиланаётган, шаҳар-у қишлоқлар, тараққиёт сари дадил одимлаётган меҳнаткаш, фидойи халқим жонланади. Нақадар ўхшашлик, нақадар теран мазмун ва моҳият мужассам она табиат билан инсон ҳаётида!

Узун қиш тунларини бармоқ букиб санаётган раҳматлик онажоним “Ҳут”нинг ўн беши ўтиб-ўтмай:

– Энди сумалак солса бўлаверади! – дердилар юзи нурланиб.

– Ахир, ҳали баҳор келмади-ку?

– Кўрмадингларми, қушлар жуфтлашиб учаётир, ернинг бағри исиётир, кўк чиқаётир, болам, – дердилар қувониб. – Қаранглар-чи, ялпиз кўкланибдими?

Ҳовлимиз адоғидаги ариқ лабида қиш қаҳратонида қовжираб қуриб қолган ялпизларнинг устидаги хас-чўпларни қўлларим билан аста олиб ташлайман. Во ажаб! Қуриган ялпиз поячалари туплари ям-яшил!

–Ялпиз чиқибди! Баҳор келибди, она!

Худди бири-бири билан келишиб олгандай, қўни-қўшнилар меҳр билан кўк гўммалар пиширадилар, бир-бирларини кўкка – кўкламга етганлари билан муборакбод этадилар. Ҳали қиш изғирини кетмай туриб, аҳли овул жам бўлишиб, сумалак сайлига тараддудланадилар. Дошқозонлар қуриладиган ҳовли-жойлар орасталанади, ариқ бўйларида янги-янги дарахт кўчатлари тупроққа илдиз қўяди. Маҳалла гузарлари, кўчалари, боғ-роғлари – она табиат инсон меҳри, баҳор тафти билан яшнаб кетади. Бу – инсон билан табиат ўртасидаги азалий уйғунлик тантанаси – Наврўзнинг ҳароратли нафаси!

Наврўз ҳақида ўйлаганимда ҳазрат Алишер Навоийнинг гўзал бир сатри, жумлаи инсониятга оҳорли бир тилаги ёдимга тушаверади:

Ҳар тунунг қадр ўлибон, ҳар кунунг ўлсин Наврўз!

Улуғ бобокалонимиз ҳар бир кечанг Лайлатул қадр кечасидек хайрли, муборак тун, ҳар бир кунинг янги бўлсин, дея инсон зотига доим насиб этавермайдиган олий саодатни тилаётир. Демак, Наврўз – наинки баҳорий айём, балки инсон учун энг саодатбахш Янги кун ҳам!

Шу кундан инсон билан табиат бирлашади гўё: қадамларида ер тафтини ҳис этиб турган Деҳқон бобо ерга уруғ сочади. Боғбоннинг нафасларига боғларнинг хуш атри сингади, эл-юртда бунёдкорлик ишлари ҳам ана шу саодатбахш дамлардан бошланади.

Азизлар, Аму соҳиллари бўйлаб Назархон-у Қангли, Қипчоқ ва Оқ олтин, Тўлқин овуллари томон яёв бир бора сайр қилганмисиз? Ёки қадим “Чилпиқ” қалъа-қўрғони этакларини ўпиб, маҳзунгина оқиб бораётган дарё билан сирлашганмисиз? Айниқса, Баҳорда! Қирғоқларини ташлаб, тобора кичрайиб бораётган қадим Жайхунни бирров зиёрат қилинг, шунда ажиб бир мўъжизани кузатасиз. Дарё чопавериб ҳарсиллаб, чарчаб қолган, онаси бағрига ошиқиб бораётган боладай беғубор, боладай талпинчоқ кўринади кўзингизга. Кекса дарё, боладай чопағон дарё ҳар гал баҳорда ўзгаради, тошқинлайди, онасига – Оролга етмоқ учун талпинаверади у. Ўз соҳиллари бўйлаб баҳор тароватига тароват бахш этиб, обиҳаёт улашиб оқаверади Дарё. Бағридан ҳовучлаб сув ичган халқни сийлашда давом этаверади, меҳнаткаш, фидойи Дарё!

Шунинг учун ҳам Аму соҳиллари аро қад ростлаган, тобора янгиланаётган овулларда, маҳаллаларда тараққиёт бор, ўзгаришлар бисёр! Азим Қиличбой, Хитой-у, Жумуртов заминидан то Назархон эли кенгликларигача бўлган поёнсиз ҳудудда қад ростлаган шинам уй-жойлар, серҳосил боғ-роғлар, обод қишлоқлар, ўтаётган ҳар бир куни умр манзилларига нурафшонлик бахш этган меҳнаткаш халқ фидойилигига гувоҳ бўласиз, Аму соҳиллари бўйлаб яёв кезсангиз! Назаримда Баҳор гўё шу соҳиллардан, азиз Аму элимдан бошланади. Қиличбой томонлардан таралган сумалакнинг хушбўйидан қалблар қувватланади:

– Қадим момоларимиз пиширгани каби сумалак қилдик!

Ҳали совиб улгурмаган сопол коса тўла сумалакни илинади “Тошқаъла” маҳаллалик Фотимахон ая Давлатова.

– Сумалак баҳона, росаям яйрадик. Келин-у қизжонларимиз, болажонларимиз момоларидан эртаклар, ҳикматлар, ўгит-у насиҳатлар тинглаб, китобхонлик қилдилар. Энди эса Наврўз сайли бошланаётир.

– Ҳали эрта-ку, энди 1 март! Ҳавас ва ҳайратим ошди.

– Бизнинг Қиличбой юртимизда ҳар куни Наврўз!

Шунинг учун ҳам амударёликларнинг дастурхонида энг аввал Қиличбой заминида етилган неъматлар бисёр бўлади-да! Шунинг учун ҳам наинки Аму элда, балки Қорақалпоғистоннинг кўпчилик туманларида қиличбойлик деҳқонларни жуда яхши билишади. Шулар ҳақида ўйларканман, дилимда ажиб назмий эътироф уйғонади.

Аму элдан бошланар баҳор,

Нафаслари кезар Наврўзнинг.

Заминида ажиб ҳикмат бор –

Хазинаси балки ризқ-рўзнинг.

Бугун Аму элимда ҳаёт қайнайди, меҳнат қизғин паллага кирган. Наврўз кунларида ерга уруғ қадаб, янги меҳнат фаслини бошлаётган халқ дилида бир эзгу тилак:

– Она Юрт тинч, эл-у халқ хотиржам бўлсин!

Ана шу тўкисликка интилиш кўнгилларни ўстираётир бугун! Кўнгиллар жўшқинлиги – Баҳорга, баҳор таровати – Ватанга кўрк бағишлаб, Наврўз кезаётир Ватанда!

Барча йўллар бугун

Амуга туташ,

Орзулар, тилаклар

нақадар уйқаш.

Миллатлар бирлашиб,

ўчоқ бошида

Сумалак пиширар,

қалбларда оташ.

Ўшал оташ тафти

Ватанга татир,

Яшнаб бораверар

боғ-у дала, қир.

Ҳар куни Наврўздай

фараҳли элнинг

Тунлари қадр ўлиб,

топгайдир қадр!

Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026