21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 01:17
Жамият 👁 3,078

ТАДБИРКОРЛИКДАН ЗИЙНАТЛАНГАН ОИЛА

ТАДБИРКОРЛИКДАН ЗИЙНАТЛАНГАН ОИЛА

Инсоннинг ўзи учун қалб ардоғига айланган туйғулари кўп. Умрини эзгу орзулар билан хайрли ташвишлар оғушида ўтказиш, ҳаёт йўлларида ҳеч бўлмаганда ҳар куни бир ўзгариш ясашга интилиб яшаш эса ҳамманинг ҳам қўлидан келавермайди. Ширин орзулар қилиш бошқа, уни ўз ҳаёт мезонига айлантириб, орзулар рўёбидан завқ олиб, ўзгаларга ҳам яхшилик ва завқ улашиб яшаш бошқа. Менинг бугунги қаҳрамоним – "тошёп”лик тадбиркор Амина Шомуродова ўзи учун энг азиз туйғу – ширин орзулари оғушида улғайиб, хайрли ишлари билан ҳамқишлоқлари, туманимиз халқининг ҳурмат ва эътиборига сазовор бўлган аёллардан.

Амина улғайган оилавий муҳит уни ҳаётга зийраклик ва теран назар билан боқиб, замон талабларига муносиб хулосалар чиқариб яшашга ўргатди. Умрини деҳқончилик маданиятини юксалтириш, томорқа хўжалигидан мўл-кўл даромад олиш манбаларини яратиш, фарзандларига деҳқончилик илмини ўргатишга бағишлаб яшаган отаси Қурбонбой бобо 8 нафар фарзандини атрофига жамлаб, доим бир гапни такрорларди:

- Болаларим, меҳнат одамнинг чиройини очади, умрига зеб беради. Меҳнатнинг ширин нонидан танингиз соғ, атрофингиз гулбоғ бўлади, асло меҳнатдан қочманглар.

- Отамнинг ўгитлари кўп бўларди, - мамнуният билан хотирлайди Амина. – "Пул, бойлик бевафо бўлади, – дердилар доим. – Ҳаддан ташқари бойликка ўч бўлиш – умрни кирлантиради. Пул қўлнинг эмас, умрнинг ҳам кири, болаларим. Қўл кирини ювса, кетади. Бойлик умрни кирлантирса – ёмон. Бойлигинг жуда ошиб-тошса – хайр-эҳсон қил, енгил тортасан, эл дуосини олиб, завқланасан...

Оиладаги бундай маънавий тарбия онлари фарзандларни эл корига камарбаста инсонлар сифатида шакллантирди. Ака-опаларига ўхшаб олийгоҳ талабаси бўлишни дилига туккан Амина ўрта мактабни энди тугатаётганида оила бошига оғир мусибат тушди. Меҳрибон онасидан бемаврид жудо бўлган ўғил-қизларига ота-оналик қилиш Қурбонбой отани чарчатиб қўйганида оиланинг залворли юкига елка тутган Аминажон бўлди. У ҳам мактабда аъло ўқишга, ҳам отасининг ёнида томорқада ишлашга вақт топди. Ҳатто рўзғордаги етишмовчиликлар сабаб қўни-қўшнининг оила эҳтиёжидан ортган сут маҳсулотларини шаҳарликларга олиб бориб сотишга, оила иқтисодини кўтаришда отасига кўмакдош бўлишга интилди. Ўрта мактабни муваффақиятли тамомлаб, Самарқанд архитектура ва қурилиш-муҳандислик институтига ўқишга кирди. Табиатан тиришқоқ ва интилувчан бўлган Амина талабалик давридаёқ, ўз моддий эҳтиёжларини ҳисобга олиб, ўқишдан бўш вақтларида болалар учун пайпоқчалар, нимчалар, чиройли жемперлар тўқиди. Унинг қўлида жило топган бундай кийим-кечакларнинг харидорлари эса доим курсдош дўстлари бўлишарди. Амина Шомуродованинг тадбиркорлик қобилияти ўша олис талабалик йилларида шаклланган бўлса не ажаб!

Институтни тугатиб 1996-98 йилларда туман хотин-қизлар қўмитаси мутахассиси сифатида фаолият олиб борган Амина ўзини тадбиркорлик соҳасида синаб кўрмоқчи бўлди.

- Мени бу соҳага қизиқтирган устозим рус миллатига мансуб тадбиркор аёл, Нукус шаҳридаги "Тамара” қандолатчилик фирмаси директори Лариса Витальевна бўлди, - дейди илк тадбиркорлик фаолияти ҳақида. – Ўша пайтда, 1998 йилда Ларисахоним Қорақалпоғистон Республикаси рус маданияти маркази раиси ҳам эди. Мени фирма иш юритувчиси сифатида ишга олди ва шу соҳа сирларини эринмай ўргатди.

"Тамара” қандолатчилик фирмасида 16 йил давомида иш юритувчи вазифасида фаолият олиб борган Амина Шомуродова учун бу йиллар тадбиркорлик соҳасида чинакам тобланиш мактаби бўлди. Ларисахонимнинг тавсияси билан ўзининг якка тадбиркорлик фаолиятини бошлаб юборди.

Асли касби ҳайдовчи бўлган "тошёп”лик Ўктамбой Боботоев билан қурган аҳил оиласида тўрт нафар ўғил-қиз вояга етмоқда. Фарзандлар улғайган сари ташвишлари ҳам улғайдими ёки тадбиркорлик соҳасига иштиёқ баландлигиданми 2009 йилда Амина қандолатчилик маҳсулотлари савдосини ривожлантириш мақсадида ўз бизнес-режасини ишлаб чиқди ва оилавий тадбиркорликни йўлга қўйди. Бугунги кунда "Манғит - Файз” оилавий корхонаси ички бозорда рақобатбардош маҳсулотлари билан ўз мижозларига эга иқтисодий бақувват оилавий корхоналардан бирига айланди.

"Хайрли ишга эл хайрихоҳ”, - деб бежиз айтишмаган. Амина ва Ўктамбой хайрли, эзгу ишлари билан ҳамиша эл олқишига сазовор.

Ҳисоб-китобда уддабурон корхона иш юритувчиси Ўктамбой ҳам, ҳар бир ишни пухта режа асосида олиб борувчи Аминажон ҳам яхшилик ва хайрли ишлар йўлида тўкилиб туришлариданми, корхона офиси ҳам, савдо шохобчалари ҳам ҳамиша мижозлар билан гавжум. Кимдир тўйга кам харжроқ бўлиб турганидан, яна кимдир фарзандини, ота-онасини даволатишга қийналиб қолганидан "Манғит - Файз” оилавий корхонаси эшигидан қисиниб-қимтиниб кириб келишади. Ўктамбой ҳам, Аминажон ҳам асло "йўқ”ни айтмайди. Ёрдам – беминнат. Ўртада – инсонийлик, меҳр-мурувват бўй тиклайди. Эшикдан қисиниб-қимтиниб, қаддиэгилиб кириб келган ҳожатманд кетарида бошини кўтариб, қаддини тик тутиб, қувониб-қувониб, миннатдорлик туйғулари оғушида чиқиб кетади. Муҳтожнинг кўнгли тоғ, унинг кўнглига йўл топган Аминажон билан Ўктамбойнинг қадри баланд. Ана шудир – инсон орзуларининг умрга зийнат бергани! Шудир – яхшилик деб аталган ўзбекона фазилат – ўзбек феъли!

"Манғит - Файз” оилавий корхонаси фаолиятида бундай яхшилик томон ҳар куни бир қадам қўйилади. Оиланинг энг яқин қариндоши вафот этди, 3 нафар норасида гўдак етим қолди. Қариндошни бегона қилиш – номардлик. Амина билан Ўктамбой 3 нафар етимни ўзларининг 4 фарзанди қатори тарбиясига олишди. Оқ ювиб-оқ тараб, вояга етказишди. Улғайгач, бири коллеж талабаси, икки нафар бинойидай бир корхона ишчилари бўлишган болалар оила, ота-она тарбиясини олиб, аста-секин элга қўшилаётганидан барча мамнун. Яна бир биринчигуруҳ ногирон қариндоши ҳам "Манғит - Файз” корхонасининг меҳр-мурувватидан ҳамиша баҳраманд. "Тошёп” овулидаги 5-сонли мактабда ўтказиладиган турли хил тадбирларга ҳомийлик қилиб келаётган "Манғит - Файз” оилавий корхонасининг тадбиркорлик соҳасида ўз иқтисодий мезонлари бор. Ички бозорни барқарор ривожлантириш ва харидоргир, сифатли маҳсулотлар савдосини ташкил этишда ўз тажрибаси ва услубига эга корхонанинг банкка нақд пул тушумида ҳам ҳиссаси катта. Ойига 15 миллион сўмлик нақд пул тушумини таъминлашни режалаштирган корхона маъмурияти бу режани 20 миллион сўм атрофида уддалашга эришмоқда.

"Тошёп” овулида эса "Манғит - Файз” оилавий корхонасининг ҳомийлик хизматидан мамнун кишилар кўпчиликни ташкил қилади. Кам таъминланган, боқувчисини йўқотган оилаларга, меҳнатга лаёқатсиз биринчи гуруҳ ногиронларига беминнат ёрдам қўлини чўзаётган Аминажон ва Ўктамбойнинг хонадони ҳамиша яхшилар ташрифидан обод. Чунки ички бозорни ривожлантириш, банкда нақд пул айланмасини таъминлашга ҳисса қўшиш, халқимизга сифатли қандолатчилик маҳсулотлари етказиб беришдаги беминнат хизматлари учун туман ҳокимининг ташаккурномасини олишга сазовор бўлган корхонада эса ҳамжиҳатлик ҳоким. Уч нафар одамни иш билан таъминлаб, ўз оиласи иқтисодини ҳавас қиларли даражага кўтара олган тадбиркор оилада барчанинг ўз бажарадиган иши, орзу-интилишларининг борлиги эса ҳавасларга лойиқ.

"Меҳнатдан келса бойлик, турмуш бўлар чиройлик”, деб бежизга айтишмаган ота-боболаримиз. Тадбиркорликни ҳам чидаганга чиқарган, - дейишларида эса олам жаҳон ҳикмат бор. "Манғит - Файз” оилавий корхонаси раҳбари Аминажон Шомуродова ва иш юритувчи Ўктамбой Боботоевлар ўз умр йўлларини тадбиркорликнинг ширин мевалари билан зийнатлаб, фидойи меҳнатлари эвазига етишган файзга тўла обод ва фаровон турмушларидан чеҳралари гул-гун.

- Фарзандларимизга атаб намунавий уй-жойлардан бирини олиш учун шартнома туздик, - дейди Ўктамбой. – Ўзимизнинг иморатимиз қуриладиган ҳудудда оилавий корхонамизнинг филиалини очиш ниятимиз ҳам йўқ эмас. шундай қилсак, яна бир-икки нафар киши иш билан таъминланади.

Албатта, "Манғит - Файз” оилавий корхонасида яна ўсиш, ўзгариш, ривожланиш бўлади, муҳими, филиал очишса, ҳудуд аҳолисининг мушкули осонлашади, тоза, сифатли озиқ-овқат ва ноозиқ-овқат маҳсулотлари, кундалик эҳтиёж моллари билан таъминланади. Аминажон билан Ўктамбой эса...

Улар тиним билмай ишлашади. Корхона ихтиёридаги "Форд” русумли микроавтобуси билан эл-юрт оғирини енгил қилиб халқ хизматига ҳамиша камарбаста бўлиб яшашдан асло чарчамайдилар.

Бу ҳаётнинг энг оддий фалсафаси ҳам ўзинг учун гўзал турмуш тарзини яратиб, ўзгаларга яхшиликлар улашиб яшаш эмасми, азизлар! Буни биз "Манғит - Файз” оилавий корхонасида, унинг элга берган файзида, яхшиликларида кўрдик.

Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026