“Спорт нафислик ва саломатлик манбаи” шиори остида аёл-қизлар ўртасида гимнастрада спорт мусобақалари ўтказилди
Қорақалпоғистон Республикаси Вазирлар Кенгашининг 2021 йил 4 ноябрдаги “Республикада спортнинг гимнастарада (гимнастика барча учун) турини янада ривожлантириш тўғрисида”ги баёни ижросини таъминлаш мақсадида Амударё туман ҳокими Султонбой Йўлдашев раҳбарлигида жорий йилнинг 15 ноябрь санасида тумандаги барча корхона ва ташкилотлар ва тадбиркорлик субъектлари иштирокида йиғилиш ўтказилиб, туманда 2021 йил ноябрь ойида “Спорт – нафислик ва саломатлик манбаи” шиори остида гимнастрада спорт мусобақаларини ташкил этиш ҳамда ушбу мусобақаларга тумандаги барча корхона ва ташкилотлар, тадбиркорлик субъектларида фаолият олиб бораётган хотин-қизларни кенг жалб қилиш вазифаси топширилган эди.
Мазкур вазифанинг амалий ижросини таъминлаш, гимнастрада спорти мусобақаларини янада оммалаштириш мақсадида туман ҳокимининг ёшлар масалалари бўйича ўринбосари М.Шерметов, туман Маҳалла ва оилани қўллаб-қувватлаш бўлими бошлиғи А.Юлдашев, Туризм ва спорт бўлими раҳбари Ғ.Қурбонбоевлар ҳамкорлигида жорий йилнинг 25-26 ноябрь кунлари “Соғлом аёл – буюк келажак” ғояси асосида “Спорт – нафислик ва саломатлик манбаи” шиори остида кенг қамровли гимнастрада мусобақалари ташкил этилди.
Мусобақаларни юксак савияда ўтказишга қаратилган чора-тадбирларга кўра, мусобақа ўтказиладиган жой гимнастрада спорти логотипи туширилган баннерлар билан безатилиб, ободонлаштириш ишлари олиб борилди. Мусобақа иштирокчиларининг хавфсизлигини таъминлашга қаратилган чора-тадбирларга мувофиқ, туман Тиббиёт бирлашмаси, Санитария-эпидемиология осойишталик ва жамоат саломатлиги бўлими томонидан мутахассис шифокорлар навбатчилиги ташкил этилиб, тиббий ниқоблар, антисептик воситалар ҳозирлаб қўйилди. Мусобақанинг очилиш маросимида туман Маданият бўлими санъаткорлари томонидан мусиқий чиқишлар ташкил этилди.
Ёшлар ишлари агентлиги туман бўлими томонидан мусобақада иштирок этишни хоҳловчи ёшлар сафини янада кенгайтириш мақсадида, аввало ҳар бир корхона ва ташкилотда, таълим соҳасида фаолият юритаётган аёл-қизларнинг рўйхати шакллантирилгани мусобақанинг янада қизиқарли таассуротларга бой тарзда ўтишини таъминлади.
Жорий 2021 йил 27 ноябрь санасида эса тумандаги корхона ва ташкилотлар, тадбиркорлик субъектларида фаолият олиб бораётган хотин-қизлар жамоалари ўртасида “Спорт - нафислик ва саломатлик манбаи” шиори остида гимнастрада спорти мусобақалари дўстона ва самимий руҳда ўтказилди.
Туман Маҳалла ва оилани қўллаб-қувватлаш бўлими, ёшлар ишлари агентлиги туман бўлими, Туризм ва спорт бўлими, Маданият бўлими, Болалар-ўсмирлар спорт мактаби ва бошқа ҳамкор ташкилотлар ҳамкорлигида Амударё тумани Болалар-ўсмирлар спорт мактаби спорт залида бўлиб ўтган мазкур мусобақа туманимизда аёл-қизлар ўртасида соғлом турмуш тарзини қарор топтириш, гимнастрада спорт турини қўллаб-қувватлаш янада ривожлантириш ва ушбу спорт турини оммалаштириш ҳамда етук спортчиларни етиштириб чиқаришга қаратилгани билан муҳим аҳамият касб этди.
Мусобақада жами 20 та жамоадан 160 нафар иштирокчилар қатнашди.
Мусобақа якунида I-ўринни 3-сонли мактабгача таълим ташкилоти, 2-ўринни 6-сонли мактабгача таълим ташкилоти, 3-ўринни 16-сонли ихтисослашган давлат умумтаълим мактаби жамоалари эгаллашди.
Ғолиблар туман ҳокимлигининг қимматбаҳо совғалари, Туризм ва спорт бўлимининг I-II-III-даражали дипломлари ва ташаккурномалари билан тақдирланишди.
Мусобақанинг оммавийлигини ошириш ва аҳолининг кенг қатламлари орасида кенг ёйиш мақсадидаги тарғибот тадбирлари давом этмоқда.
Мусобақа якунида туманимизнинг таниқли санъаткорлари мусобақа ғолибларига мусиқий табрик йўлладилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
