ЗАМОНАВИЙ ИССИҚХОНАЛАРДАН САМАРАЛИ ФОЙДАЛАНИШ МАСАЛАЛАРИГА БАҒИШЛАНГАН СЕМИНАР БЎЛИБ ЎТДИ
Бутун дунёда озиқ-овқат хавфсизлиги долзарб масала бўлиб турган ҳозирги пандемия даврида мамлакатимиз бозорларининг тўкинлиги, халқимиз турмуши ободлиги қишлоқ хўжалиги маҳсулотлари етиштириш салмоғи ва сифати тобора ортаётгани натижасидадир.
Кейинги йилларда мамлакатимизда, шу жумладан туманимизда ҳам замонавий иссиқхоналарнинг янада кўпайтирилаётгани – қишлоқ аҳолисини иш билан таъминлашда ва йилнинг ҳамма фаслларида турли сабзавотлар билан бозорларимиз тўкинлигига эришишда муҳим омил бўлаётир.
Шу йилнинг 19 февралида туманимизнинг Оқ олтин овулида фаолият юритаётган Анвар Холимбетов раҳбарлигидаги “Оқ олтин – Амударё” фермер хўжалигида янгидан 50 сотих майдондаги замонавий иссиқхона ўз фаолиятини бошлади.
Иссиқхона 1 млрд. сўм маблағ эвазига “Асака инновация файз” масъулияти чекланган жамияти ишчилари томонидан бунёд этилди.
Ер ва сув ресурсларидан оқилона фойдаланиш, энергия тежамкор технологияларга асосланган иссиқхонада келгусида йил давомида помидор, бодринг, бақлажон, булғори қалампири каби рўзғорбоп маҳсулотларни етиштириб, халқимиз дастурхонига тортиқ қилиш режалаштирилган.
Иссиқхона қуриб битказилиши муносабати билан бу ерда замонавий иссиқхоналарда қишлоқ хўжалик маҳсулотлари етиштириш ҳажмини оширишга бағишланган семинар бўлиб ўтди.
Семинарга туманимиздаги тўртта сектор раҳбарлари, Қорақалпоғистон Республика Прокурорининг ўринбосари Айбек Шомуродов, қишлоқ хўжалиги масъул ходимлари, овулдаги фермер хўжаликлари раислари, иссиқхоналар эгалари қатнашдилар.
Тадбирда замонавий иссиқхоналар сони ва экин майдонлари ҳажмини кўпайтириш, маҳсулот етиштиришни ошириш, иссиқхоналарда йил давомида ҳосил олиш амалиётини жорий этиш бўйича фикрлар алмашилди.
Мазкур фермер хўжалигининг 154 гектар экин майдонининг мавжуд. Шунинг 30 гектарига 2022 йил ҳосили учун ғалла экилган. Қолган майдонларга пахта ва бошқа қишлоқ хўжалик экинлари экилади.
Хўжаликда қатор йиллардан бери маҳсулот етиштиришнинг барча турлари бўйича белгиланган режалар ортиғи билан адо этиб келинаяпти. Олинаётган даромадлар ҳисобидан эса янги-янги лойиҳалар амалга оширилаяпти. Шуларнинг бири 50 сотихлик майдондаги электр энергия ва сув тежовчи технологиялари асосида қурилган замонавий иссиқхона бўлса, яна бири 10 гектарлик ҳудудда замонавий боғ барпо этилаяпти.
Ҳозирги кунда ушбу ерлар лазер қурилмаси ёрдамида текисланиб, баҳорги суғоришга тайёр қилиб қўйилган. Ерлар тобига келгач, иқлим шароитимизга мос, ҳосилдор мевалар кўчатлари олиб келиб ўтқазилади. Бунинг учун 220 миллион сўм маблағ сарфланади.
Семинар иштирокчилари фермер хўжалигида амалга оширилаётган ишларга юқори баҳо бердилар. Бундай илғор лойиҳалар қишлоқ хўжалик маҳсулотлари етиштиришни кўпайтиришда ва аҳоли бандлигини таъминлашда муҳим омил бўлишини таъкидладилар.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
