21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 11:58
Жамият 👁 451

ТУМАНДА МАТБААНИ ЗАМОНАВИЙЛАШТИРГАН ТАДБИРКОР

ТУМАНДА МАТБААНИ ЗАМОНАВИЙЛАШТИРГАН ТАДБИРКОР

Инсоннинг шахс сифатида шаклланишида оила муҳити жуда катта аҳамиятга эга. Бекорга халқимиз “қуш уясида кўрганини қилади”, “ўғил – отадан, қиз – онадан ранг олади”, қабилидаги ҳикматларни яратмаган.
Манғитлик устоз-мураббий, Аллоҳ раҳмат қилсин, Йўлдош ота Хўжабоев 7 нафар ўғил-қизини атрофига жамлаб, доимо бир гапни уқтирарди:
– Ҳалол меҳнат қилган одамнинг насибаси улуғ бўлади, бир-бирларингизга меҳрли бўлиб, меҳнатдан қочманглар, ҳар бир ишни маслаҳат ва кенгаш билан бошланг, тадбирли, тежамли бўлинглар, – дердилар доим.
Йиллар билан бўй талашиб, 7 нафар ўғил-қиз улғайди, ҳар бири мустақил оила қўрғонини бунёд этишиб, тиниб-тинчиб кетишди. Фарзандларининг қадр-у камолини кўриб, кўнгли хотиржам бўлган Йўлдош  ота билан Шарифа онанинг ортларида еттита ибратли оила, бири-биридан оқибатли фарзандлар, бир мевазор боғ каби униб-ўсаётган невара-чеваралар қолди.
Йўлдош муаллим билан Шарифа она тузган катта хонадоннинг бир илдизи – тадбиркор ва ишбилармон ўғил Пўлат Хўжабоев ота-онасининг ўгит ва насиҳатларини тумордай асраган, агар таъбир жоиз бўлса, ота-онасидан ранг олиб, аҳли Манғитга танилган тадбиркор шахс сифатида шаклланди.
Ўзбек тили ва адабиёт фани ўқитувчиси бўлган отаси Йўлдош ота ва чеварлик ҳунари билан элда эътибор қозонган онасидан миллий-маънавий тарбия олган Пўлат Хўжабоев 1979 йилда 16-сонли мактабни муваффақиятли тугатди. Тенгдошлари қатори олий маълумотли мутахассис бўлишни орзу қилган Пўлат негадир олий ўқув юртига ҳужжат топширишга ошиқмади. Марказий газеталардан бирида берилган эълонга кўзи тушди-ю, молия ва иқтисод йўналишини танлади. Шу йилиёқ ҳужжатларини Наманган шаҳридаги ўрта-махсус билим юртига, молия ва иқтисод йўналишига топширди. Билим юртида ҳавас қиларли даражада яхши ўқиди, танлаган соҳаси бўйича пухта билим эгаллади. 1982 йилда мазкур билим  юртини муваффақиятли тугатган Пўлат Хўжабоев илк меҳнат фаолиятини ўша пайтдаги  Манғит ип йигирув-тўқув фабрикасида ҳисобчи бўлиб ишлашдан бошлади.
Ўтган асрнинг 85-90 йиллари кўплаб малакали мутахассислар учун синов йиллари бўлди. Чунки собиқ иттифоқ таназзулга юз тута бошлаган, аввалги таъминот тизими издан чиққан таҳликали йилларда йирик-йирик саноат корхоналари ҳам банкротлик ёқасига бориб қолган, ишсизлик ҳаддан зиёд авж олган эди. Ана ўша йилларда  келажакни кўраоладиган тадбиркор инсонлар тушкунликка тушмадилар, синовларга сабр-тоқат билан бардош бердилар. Ана шундай сабрли, бардошли инсонлардан бири Пўлат Хўжабоев бўлди.
Мустақилликнинг илк йилларида Пўлатнинг олдида икки йўл турарди: бири – ўзи фаолият юритаётган Манғит ип йигирув-тўқув фабрикасининг бозор иқтисодиёти шароитига мослашишини сабр-тоқат билан кутиш, иккинчиси – ўзи ўйлаб юрган режаси – хусусий фирма ташкил этиб, тадбиркорлик фаолиятини йўлга қўйиш. Пўлат иккинчи йўлни танлади, ота-онаси, яқинлари билан бамаслаҳат кўптармоқли “Толъе” хусусий фирмасини ташкил этди. Қурилиш-таъмирлаш ишлари билан шуғулланувчи “Толъе” фирмасида 2 нафар киши доимий иш билан таъминланди. Буюртма асосида уйларнинг, идора ва ташкилотларнинг томини ёпиш, сувоқчилик, бўёқчилик ишлари шунингдек, мустаҳкам ва бежирим “Akfa plast” дераза ва эшик ромларини ясаш, ўрнатиш ишларини бажаришга ихтисослашган “Толъе” фирмасининг мижозлари сафи ошди.
Яна бир янги йўналишда иш бошлашни режалаштириб юрган Пўлат Хўжабоев Манғитдаги 4-сонли босмахона ким ошди савдосига қўйилаётганини эшитиб, ушбу кимошди савдосида иштирок этди ва 2006 йилда мазкур босмахонани ютиб олди. 2007 йилда 4-босмахона негизида “Манғит матбааси” хусусий корхонаси фаолиятини йўлга қўйди ва 5 нафар киши доимий иш билан таъминланди.
Шуни алоҳида эътироф этиш керакки, жамики моддий-техника манбалари эскирган, жиддий модернизациялашга муҳтож босмахонада, ҳатто XXI аср бошида ҳам, туман газетаси ибтидоий усулда босилар, газетани замон талаблари даражасида чоп қилдиришни истаган амударёлик журналистлар ўша пайтда Нукус шаҳридаги босмахонага қатнаб, газетани нашр қилдиришарди. Пўлат Хўжабоев бу борада журналистларнинг мушкулини осон қилди. 2012 йилда имтиёзли кредит эвазига “Манғит матбааси” хусусий корхонаси томонидан 2 та замонавий чоп қилиш жиҳозларини олиб келиб ўрнатди. Натижада Амударё туманининг ижтимоий-сиёсий “Амударё ҳақиқати” – ҳозирги “Тараққиёт кўзгуси” газетаси Манғит шаҳрининг ўзида чоп этилиб, даврийлиги ва нусхаси ҳам ошди.
Йўлдош муаллимнинг тадбиркор ўғли бу билан чекланиб қолмади. Тадбиркорликнинг янги-янги йўналишларига қўл урди. Аслида тадбиркор билан бошқа бир тадбиркорнинг ҳамкорлиги катта режаларнинг амалга ошишига туртки бўлади. Пўлат Хўжабоев ҳам манғитлик қандолатчи-ю турли маиший буюмлар ишлаб чиқарувчилар, чорвачилик ва паррандачилик, полиз ва боғдорчилик маҳсулотларини тайёрловчилар билан ҳамкорлик асосида уларнинг буюртмаларига кўра,  турли хил бичимдаги тахлов-қутилар ишлаб чиқаришни йўлга қўйди ва жорий йилнинг 25 июнь санасидан буюртмалар қабул қилишни бошлади. Ушбу йўналиш бўйича 10 нафар ёшнинг иш билан бандлиги таъминланди.
Ўзининг кенгфеъллиги, самимий ва саховатпешалиги, ҳар бир ишни оғир-вазминлик билан, етти ўлчаб, бир кес, қабилида бажариши туфайли элдошлари томонидан “Бой ота” деган эътирофга сазовор бўлган Пўлат Хўжабоевнинг оиласи ҳам ибратга, эътиборга муносиб. Умр йўлдоши Гулнорахон билан бири-биридан ақлли, меҳр-оқибатли бир ўғил, бир қизни, 5 нафар ширин-шакар невараларни эл-юрт хизматига камарбаста тарбиялаётган  Пўлат Хўжабоев, манғитликлар ҳурмат билан эътироф этганларидай чинакамига “Бой ота”! Айни кунларда 60 ёшга тўлган “Бой ота”нинг ҳаёт йўлларини, оила қўрғонини безаб турган меҳр-оқибат, ўзаро ҳурмат, ҳавасга муносиб. Ўз жигарларининг “Бой ота” даражасига етишганидан мамнун туғишган ака-ука, опа-сингиллари-ю келинларининг ўзаро  муомалалари, меҳр-оқибатидан обод хонадон остонасиданоқ жигарбандлик ришталари нақадар улуғлигига гувоҳ бўласиз.
Бу ёғини сўрасангиз, “Бой ота”миз қутлуғ 60 ёшларида ҳам яна бир эзгу ишга қўл урибдилар. “Толъе” кўптармоқли фирмасининг яна бир янги тармоғини ташкил этаётган П.Хўжабоевнинг режалари катта. Кўз тегмасин, дебми “Бой ота”миз “Толъе” фирмасининг даромадларидан сўз очмадилар-у, аммо ўғли Маҳмуджон янги режасини яширмади:
– Аёллар, эркаклар ва болалар пойафзалини ишлаб чиқаришни йўлга қўяётирмиз.
Қувончини меҳмонлар билан бўлишган Пўлат Хўжабоевнинг ўғли Маҳмуджон янги ташкил этилаётган пойафзал ишлаб чиқариш цехининг  имкониятлари, кутилаётган натижалар хусусида тўлиб-тошиб сўзлайди.
Тошкент шаҳридаги машҳур фирмалардан бири билан ҳамкорлик асосида ташкил этилаётган мазкур цех жорий йилнинг 1 октябрида тўла қувват билан фаолиятини бошлаши режалаштирилган. Цех ишга туширилиши  билан 20 нафар ёшлар доимий иш билан таъминланади ва бу манғитлик “Бой ота” Пўлат Хўжабоевнинг ўз элдошлари учун катта совғаси бўлади.
Тўкин дастурхон атрофида жам бўлган жигарбандлари меҳр-муҳаббатидан обод, ҳалол ва фидойи меҳнат маҳсулидан файзли хонадонга, унинг ишбилармон ва тадбиркор, қалби меҳр нуридан чароғон соҳиби ва соҳибасига, ҳавасга, ибратга муносиб фарзандлар камолига ҳавас қилдик. Илоҳим, кўз тегмасин камолингизга!

Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026