21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 14:40
Жамият 👁 722

ОИЛА ҚЎРҒОНИНИНГ ОБОДЛИГИ УЧУН ФИДОЙИЛИК КЕРАК

ОИЛА ҚЎРҒОНИНИНГ ОБОДЛИГИ УЧУН ФИДОЙИЛИК КЕРАК

Оила – Ватан ичра мўъжаз Ватандир. Биз бу иборани кундалик ҳаётимизда жуда кўп такрорлаймиз. Чунки она Ватанимизнинг ҳар томонлама тараққий этишини таъминловчи барча омиллар ана шу мўъжаз гўша – оиламизга ҳам хос. Оиланинг ўз молиявий-иқтисодий асослари, бошқарув тизими, ҳатто ўзига хос турмуш тарзини ифода этувчи ички қонун-қоидалари, халқимиз таъбири билан айтганда, тутумлари бор. Ана шу тутумларга риоя этилмаган оилада ҳеч қачон файз-барака, хотиржамлик бўлмайди. Демак, бизнинг бугунги суҳбатимиз мавзуси оила қадриятлари ва туманимизда оила институтини шакллантириш, бу мўъжаз Ватанда осойишта ва хотиржам ҳаёт тарзини яратишга кўмаклашиш борасида олиб борилаётган ишлар хусусида.

Таҳририятимиз меҳмони туман ФҲДЁ бўлими мудираси Санобархон Холбоева.

– Санобархон, аввало туман ФҲДЁ бўлими томонидан бевосита халқ орасига кириб бориб, айниқса, ёш оилаларнинг муаммоларини ўрганиш юзасидан амалга оширилган ишлар ҳақида билгимиз келади.

– Мамлакатимизда, шу жумладан, туманимизда ҳам ёш оилалар билан ишлашиш бўйича жуда кенг қамровли ишлар амалга оширилаётгани қувонарли. Жорий йилнинг ўтган 10 ойи давомида бевосита маҳаллалар, ИИБ, таълим муассасалари, туман Хотин-қизлар қўмитаси, “Оила” илмий-амалий маркази билан ҳамкорликда 163 та тарғибот тадбирлари ўтказилди. Халқ орасига кириб бориб, 7 марта сайёр қабуллар ташкил этдик. “Оила дорилфунуни”, “Ёш оила қурувчилар мактаби” жамоатчилик тузилмалари ва “Оила” илмий-амалий тадқиқот маркази билан ҳамкорликда ташкил этилган ўқув машғулотларида салкам 10 мингга яқин ёшлар иштирок этишди. Маҳаллий ва республика ОАВларидаги чиқишларимиз, узвийлик асосида олиб борилган ўқув-тарбиявий машғулотларимиз ўз самарасини берди. 2018 йилнинг 10 ойи давомида 42 та нотинч оилалар яраштирилиб, бу оилаларда соғлом маънавий муҳит яратишга кўмаклашилди.

– Шундай бўлсада, туманимизда никоҳни бекор қилиш билан боғлиқ ҳолатлар 2017 йилга нисбатан ошган, бунинг сабаблари нимада деб ўйлайсиз?

– Аввало, биз ажрашишга қарор қилган оилаларнинг бундай номақбул тўхтамга келиш сабабларини ўрганиб, таҳлил қиламиз. Иложи борича эр-хотинни яраштириб қўйишга, ўртада фарзандлари бўлса, уларнинг тирик етим бўлишларининг олдини олишга интиламиз. Оилавий ажралишларнинг сабаблари кўпинча ўзаро келишмовчилик, гиёҳвандлик, ичкиликбозлик, эр-хотиннинг узоқ вақт бирга яшамаслигидан келиб чиқаётганини таъкидлаш керак. Хусусан, ўтган 10 ой давомида 91 та оила никоҳдан ажралишди. Ушбу никоҳдан ажралиш ҳолатларини таҳлил қилиб кўрганимизда, 5 нафари фарзандсизлик сабабли, ФҲДЁ бўлимига берган ўзаро келишув аризаси асосида, 47 нафари Фуқаролик ишлари бўйича туман судининг 2018 йилги никоҳни бекор қилиш ҳақидаги қарори асосида ва 39 нафари фуқаролик ишлари бўйича судларнинг ўтган йилларда чиқарилган қарорлари асосида амалга оширилди.

– Оилавий ажралишларнинг олдини олиш, оталик белгилаш масалалари қандай ҳал этилмоқда?

– Юқорида айтганимдек, оилавий ажралишларни камайтириш мақсадида биз масъуллар билан ҳамкорликдаги тарғибот тадбирларига алоҳида эътибор бераётирмиз.

Айниқса, ёш оилаларнинг ҳуқуқий маданиятини ошириш, эрта турмуш қуришнинг олдини олиш, янги турмуш қураётган ёшларни тиббий кўрикдан ўтказиш борасидаги туман “Оила” илмий-амалий тадқиқот маркази, маҳаллалар ва “Оила дорилфунуни” жамоатчилик тузилмаси, туман Тиббиёт бирлашмалари билан ҳамкорликдаги амалий ишларимиз ўз самарасини бермоқда. Ўтган 10 ой ичида 1335 та никоҳ қайд этилди. Тиббий кўрик натижаларига кўра, 16 нафар никоҳланувчиларнинг касалликлари аниқланди ва уларга даволанишга йўлланма берилди. Айрим сабабларга кўра, фарзандлари қонуний никоҳдан ўтмасдан олдин туғилган ва бола туғилгандан кейин ФҲДЁ бўлимига никоҳдан ўтишга мурожаат қилган 261 нафар ёш ота-оналарнинг фарзандларига оталик белгиланиб, туғилганлик ҳақидаги гувоҳномалар топширилди. Қўшни Туркманистон Республикасидан келин бўлиб тушган оналар, биринчи турмушидан ажрашиб, иккинчи марта турмуш қурган ва фарзандли бўлган оналарни йиллар давомида қийнаб келаётган муаммо – фарзандига туғилганлик ҳақидаги гувоҳнома олиш масалалари ижобий ҳал этилди.

– Разм солиб қаралса, туман ФҲДЁ бўлимига ажрашиш ниятида келувчиларнинг кўпчилиги 19-22, нари борса 25 ёшлилар. Ёшларимизнинг бундай қарорга келишларининг асосий сабаби нимада деб ўйлайсиз?

– Сабаби жуда оддий ва арзимас хатти-ҳаракатлар. Ёшларда энг аввало, сабр-тоқат етишмайди, ниҳоятда қаноатсиз. Оилаларда бўлганимда кўп бора ана шундай ҳолатларга дуч келганман. Бугунги ёшлар ҳамма нарсаси бадастир бўлишини хоҳлайдилар. Айниқса, мол-мулк масаласида. Барча шароитларга эга уй-жой, машина, башанг кийим-кечак. Ахир бу моддиятлар меҳнат эвазига келадими? Қандайдир мўъжиза билан осмондан тушмайдику!

Халқимизда шундай ҳикмат бор: “Озга қаноат ва сабр қилмасанг, кўпга етмайсан”. Демак, тўкин-сочин, файзли ҳаёт тарзини яратиш учун йиллар керак бўлади. Сабр-қаноат, уддабуронлик керак бўлади. Ёшларимиз ана шундай ҳаётга етишмоқликлари учун, ўз оила қўрғонининг мустаҳкамлиги учун энг аввало, фидойи бўлмоқлари зарур. Оила ободлиги учун фидойилик эса бахтиёрлик сари қўйилган эзгу қадамдир.

– Сермазмун суҳбатингиз учун ташаккур!

– Миннатдорман.

Суҳбатдош Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026