21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 15:57
Жамият 👁 434

БОЛАЖОНЛАРНИНГ СЕВИМЛИ БОFЧА ОПАСИ

БОЛАЖОНЛАРНИНГ СЕВИМЛИ БОFЧА ОПАСИ

Инсоннинг юрагида туғилган ҳавас унда чексиз иштиёқ уйғотади. Ҳавас ва иштиёқ эса қалбни руҳлантириб тургувчи орзуга айланади. Ана шу орзу инсонни иродали, кучли бўлишга, олдига қўйган эзгу мақсади йўлида  интилиб яшашга ўргатади. Орзуга етишиш учун ўқиб-ўрганиш, изланиш унга куч бағишлайди.

Мафтункор ва гўзал табиати, бири-биридан фидойи ва меҳнаткаш инсонлари билан машҳур Қиличбой заминида туғилиб-ўсган Ферузахон Ўрозметова онаси – қишлоқдаги 42-сонли мактабгача таълим ташкилотида тарбиячи бўлиб ишловчи Гуландон опанинг касбига ҳавас  қилиб, “катта бўлсам, боғча опа бўламан”, деганида унинг ўзи МТТ тарбияланувчиси эди. Болаликдаги ана шу ҳавас Ферузахон улғайган сари унинг қалбида бу касбга нисбатан меҳр ва иштиёқ уйғотди. Онасининг ҳар бир ҳаракати, болажонлар билан ўтказадиган машғулотларини хотира кўзгусида жонлантириб, хаёлан “тарбиячилик” қилиб юриб, умумтаълим мактабидан сўнг, 2013 йилда Қиличбой касб-ҳунар коллежининг мактабгача таълим гуруҳида таҳсил олди.

Ўзининг интилувчанлиги, ташаббускорлиги, янгиликларга қизиқувчанлиги билан тенгдошларидан ажралиб турадиган Феруза Ўрозметова коллежда ўқиш жараёнида нафақат ўзи танлаган йўналиши бўйича, балки  турли фанлардан тўгараклар машғулотларида ҳам фаол иштирок этди. Коллежлараро ва туман миқёсидаги кўрик-танловлар, шеърият кечалари, мушоираларнинг доимий иштирокчиси ва совриндорлари сафидан жой олди. 42-МТТда иш фаолиятини бошлагач, унинг мактабгача таълим муассасалари тарбиячилари ўртасида ўтказиладиган кўрик-танловлардаги муваффақиятли иштироки нафақат 42-сонли МТТ раҳбарияти ва касбдошлари, балки ота-онаси ва дўстларига ҳам чексиз қувонч бағишлади.

Ферузахон ўз устида тинимсиз ишлаши, бола психологиясини чуқур ўргангани боис, ҳар бир машғулотни назария ва ҳаёт билан уйғун равишда олиб боради. Натижа эса ҳамиша  кутилганидан зиёда бўлади. Унинг гуруҳидаги энг инжиқ бола ҳам жуда қисқа фурсатда тинч, мулойим, тарбияли бўлиб қолади. Бунинг учун Феруза тинимсиз меҳнат қилишдан, инжиқ бола билан шуғулланишдан асло чарчамайди.

Шунинг учун ҳам унга кўпчилик ота-оналар: “ҳали ўзинг қиз боласан, болалар кўнглини тушунишда энг меҳрибон онадан қолишмайсан”, дейишади миннатдорлик билан.

– Бу Ферузахоннинг ўз касбига меҳри баландлигидан, – дейди 42-сонли МТТ мудираси Г.Қурбонбоева. – Ана шу меҳри туфайли Ферузахон “Йил тарбиячиси” кўрик-танловининг туман босқи-чида ғолибликни қўлга киритди. Биз бундан жуда фахрланамиз.

Касбига ва болажонларга меҳри баланд Ферузахон Ўрозметова иш жараёнида ўз соҳасига оид услубий қўлланмалардан унумли фойдаланиш билан бирга тинимсиз ижод қилади, шеърлар, болаларбоп ҳаётий эртаклар ёзади. Ёзганларини жамласа, бир китоб бўлгулик. Унинг шеърларини болажонлар севиб ёдлашади. Яхшилик, эзгулик, ростгўйлик, мардлик ва ватанпарварлик мавзуларидаги эртаклари эса болажонларга олам-олам завқ, таассурот бағишлайди.

– Президентимиз: “Келажак – боғчадан бошланади”, деб бекорга айтмаганлар, – дейди Феруза Ўрозметова. – Биз тарбиячилар шунинг учун ҳам келажакка масъулмиз. Ана шу масъуллик туйғуси мени ҳамиша олдинга интилиб яшашга  ундайверади.

Ферузахон айни пайтда “Йил тарбиячиси” кўрик-танловининг Қорақалпоғистон Республикаси босқичига қизғин ҳозирлик кўрмоқда. Биз ёш ва иқтидорли тарбиячи, болажонларнинг севимли боғча опаси Ферузахон Ўрозметовага янги-янги ютуқлар тилаймиз.

Робия ЙЎЛДОШЕВА.

 

Касбим – фахрим

Касбим менинг – фахримдир,

Ҳаёт йўлим – аҳдимдир.

Иш куним шод кутаман,

Бундан қувнаб кетаман.

 

Фарзанд гулдир одамга,

Зийнат эрур оламга.

Маъюс кўрсак гар уни,

Бедор кутамиз тонгни.

 

Гарчи мен қиз боламан,

Болажон, деб ёнаман.

Иссиғи-совуғига,

Қарайман ҳар ёғига.

 

Меҳрим ҳадя этаман,

Соғиниблар кутаман.

“Боғча опа”, десалар,

Бошим осмон – юксалар.

Феруза Ўрозметова.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026