21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 15:23
Мақолалар 👁 351

ПУШАЙМОНДАН АВВАЛРОҚ ЎЙЛАНГ!

  ПУШАЙМОНДАН  АВВАЛРОҚ ЎЙЛАНГ!

Ота давлат идорасида масъул лавозимда ишласа-да, кўп ичадиган оиланинг бекаси ҳам бир кун анчагина ўша “заҳри қотил”дан тотиб келди. У бундай пайтларда доим фарзандлари олдида ўзини ҳушёр ва тетик тутишга уринар, ичганидан бироз ўнғайсизланарди. Кеч киргунча онаси йўлини пойлаб, дилгир бўлиб ўтирган, ҳали оқ-қорани танимайдиган, вояга етмаган ўғил-қизлари онасининг қораси кўринганидан қувонишиб, олдига пешвоз чиқишди. Эндигина беш ёш бўлган ўғли бўйнидан маҳкам қучоқлаб, юзларини онасининг юзларига босди, ўпди. Кейин бир зум онасига сўзсиз қараб турди-да, қулоғига чучук тилда шивирлади:

– Ойижон, сиздан дадамнинг ҳиди келаяпти (закий муштарийга гап нима ҳақдалиги маълум).

Она бу воқеани қадаҳ чўқиштирган кўп давраларда кула-кула айтиб юрди.

Ҳозирги вақтларда наинки хос, яъни фақат дугоналар, яқинлар даврасида, балки тўйларда, умум олдида ҳам спиртли ичимлик ичиб, “жўшиб” тилак айтишлар, рақс тушишлар аёллар учун одатдаги ҳолга айланиб бораяпти. Гуноҳ-у маъсият ҳисобланмиш кишини маст қилувчи, ҳушидан айирувчи, динимиз ҳаром, дея ҳисоблайдиган ароқ ичиш нега бунчалик ҳаётимизга чуқур кириб бораяпти?

Мен ҳар гал қўлларига қадаҳ ушлаган аёлларни кўрганимда улар оиласига, фарзандлари олдига қай юз билан борар экан-а, деган савол хаёлимга келаверади. Кайф қилувчи ичимлик ичиш мусулмонга ҳаром қилинган, бироқ ичимликни ичиш энди аёллар (кечирасиз-у, баъзан невара кўрган, нуроний ёшга етган онахонлар) орасида урфга кириб бораётгани ачинарли. Эркаклар майли, ичаверсин, демоқчи эмасман-ку, бироқ аёл боласини эмизади, сути орқали боласини ҳам ўша кайфдан “баҳраманд” этади. Дунёда энг мукаммал, мукаррам қилиб яратилган, энг покиза, ҳалол неъматлар билан ризқланишга буюрилган зот ўзи ичаётган ароқнинг ўз вужудига, насли ва зурриёдига салбий таъсирини англаб туриб, нега ўзини бундан тия олмас экан-а? Ахир чор-атрофимизда ичкилик туфайли майиб-мажруҳ гўдаклар дунёга  келаётгани, мастлик туфайли оилаларда уруш-низолар бўлаётгани, бир-бировнинг ҳаётига қасд қилишлар кўпаяётгани, йўл-транспорт ҳодисалари содир этилиб, бегуноҳ инсонлар ҳаётдан бевақт кўз юмаётгани айни ҳақиқат-ку.

Ўтган йили бир яқиним оғир бетоб бўлиб қолиб, туман марказий шифохонасининг шошилинч тиббий ёрдам бўлими эшигида бир неча кун ўтирдик.

Элчилик-да, бизга ўхшаб "тиқ" этса, эшикдан чиқиб келадиган бўлим ходими келтирадиган хабарни юрак ҳовучлаб кутиб ўтирганлар кўп экан. Шундай дамларда инсоннинг ҳақиқий мусулмонлиги ўзини намоён этар экан чоғи, ҳамма бири-бирига далда берган, бир хўплам чойини ёнидаги одамга тутган... Бироқ кутиш хонасидаги 20-25 нафарча одамнинг уй кийимидаги ёшгина жувонни овутишга қурби етмасди. Унинг 12 яшар тўнғич фарзанди – ўғлини мактабдан қайтаётганида, йўлнинг белгиланган жойидан кесиб ўтаётганида маст ҳолатдаги ҳайдовчи машинасида босиб кетибди. Билмадим, ўша ҳайдовчи ким эди? Ким бўлса-да, қанча-қанча одамларнинг нафратига, қарғишига учради. Болакай комадан чиқмай вафот этди. Бу биргина одамнинг мастликда қилган хатосига биргина мисол.

Ўша кутиш хонасидаги жувоннинг аҳволи ҳамон кўз ўнгимдан кетмайди.

Кеча уни хизматчилик юзасидан марказий поликлиникага борганимда учратиб қолдим: синглиси суяб, етаклаб, юрак касаллиги дўхтири хонасига олиб кириб кетди.

Бир одамнинг бир неча соатлик кайфи учун бир оила қанчалар оғир йўқотишга учрагани, унинг оқибати ҳақида айтиш энди шарт эмасдир.

Аслида бу мақолани ёзишга ундаган ҳам ўша жувоннинг аҳволига ачиниш ҳисси эди.

Мен ҳам инсонман, камчиликлардан холи эмасман. Бировга ундай бўл, ё бундай яша, дейишга ҳаққим йўқ. Бироқ ичкиликни хуш кўрувчиларга Умар ибн Хаттоб ҳазратларининг ушбу сўзларини эслатиб қўйгим келади: “Ҳисоб-китоб қилинмасдан олдин ўзларингизни сарҳисоб қилиб олинглар, тарозуда тортилмасдан олдин амалларингизни тортиб кўринглар ва ҳеч бир амалингиз хуфя қолмайдиган улуғ учрашувга тайёрланинглар!” Хулоса эса ҳар кимнинг ўзига ҳавола.

Ойгул РАЖАБОВА

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026