ЁШЛАР БИЛАН УЧРАШУВЛАР ЎТКАЗИЛДИ
Чойкўл овулида ёшлар бандлигини таъминлаш, муаммо ва таклифларини ўрганиш, уларни қўллаб-қувватлаш ҳамда муносиб шарт-шароитлар яратиб бериш мақсадида ёшлар билан учрашув ташкил этилди.
Учрашувда Ўзбекистон Республикаси Президентининг тумандаги Халқ қабулхонаси мудири Э.Ражабов, туман ҳокимининг биринчи ўринбосари М.Темирбоев, туман ҳокими ўринбосари М.Шерметов, Ёшлар ишлари Агентлиги туман бўлими бошлиғи Ж.Давлетов, Жиноят ишлари бўйича туман суди раиси С.Давлетмуродов, ва бошқа масъуллар, ҳудуднинг 120 нафардан ортиқ фаол ёшлари иштирок этдилар.
Йиғилишни туман ҳокими ўринбосари М.Шерметов очди ва йиғилганларни кун тартибидаги масала билан таништирди.
Шундан сўнг, йиғилишга ташриф буюрган ёшларнинг таклифлари ва муаммолари тингланди.
Хусусан жами 35 нафар ёшлар ўз мутахассислиги бўйича ишга жойлашишда, тадбиркорлик фаолиятини йўлга қўйиш учун имтиёзли кредит олишда амалий ёрдам сўраб мурожаат қилдилар. Шунингдек, тадбиркорлик қилиш учун бўш бино ва ер сўраб, 42-сонли мактабда спорт тўгараклари фаолиятини йўлга қўйиш, сунъий қопламали мини футбол майдончасини қуришда амалий ёрдам сўраб мурожаат қилган ёшлар ҳам бўлди.
Йиғилишда ёшларнинг мурожаатларига ечим топиш юзасидан тегишли раҳбарларга топшириқлар берилди.
Худди шундай йиғилишлар Амир Темур номли овул фуқаролар йиғини биносида, Хитой овулидаги 85-сонли мактабда ҳам бўлиб ўтди.
Учрашувларда ёшлар фаол қатнашиб, ўз муаммо ва таклифларини билдирдилар, ўзларини қизиқтирган кўпгина саволларига масъуллардан тегишли жавоблар олдилар.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
