КАСБ ФИДОЙИСИ
Чақирувга қадар бошланғич тайёргарлик – Ўзбекистон Pеспубликаси ёшларини ҳарбий хизматга тайёрлашнинг муҳим босқичи бўлиб, умумтаълим мактаблари 10-11-синф ўқувчиларининг бошланғич ҳарбий билимларини шакллантиришга хизмат қилади.
20-сонли умумтаълим мактаби ўқитувчиси Марат Сетдаров юқори синф ўқувчиларига чақирувга қадар бошланғич тайёргарлик фани бўйича таълим бериб келмоқда.
У 1980-1982 йилларда ҳарбий хизматда бўлди. Ҳарбий хизматдан келгач, 1983-1987 йилларда Бухоро Давлат Педагогика институтининг бошланғич ҳарбий таълим ва жисмоний тарбия факультетида таҳсил олди. Заҳирадаги офицер – катта лейтенант Марат Сетдаров 1987 йилдан 20-сонли мактабда чақирувга қадар бошланғич тайёргарлик фани ўқитувчиси сифатида фаолият юритмоқда.
Устозларнинг меҳнатлари самараси, албатта, шогирдлар эришаётган ютуқларда намоён бўлади. Марат Сетдаровнинг ўқувчилари Республика миқёсида ўтказиладиган мусобақаларда фаол иштирок этишмоқда ва фахрли ўринларни эгаллаб келмоқда. Мактаб ўқувчилардан ташкил қилинган “Ёш қутқарувчилар” жамоаси Қорақалпоғистон Республикасида ўтказилган мусобақада 3-ўринни эгаллади. “Темурбеклар” жамоаси ҳам фахрли ўринларни қўлга киритиб, мактабнинг фахрига айланди. У самарали меҳнатлари учун “Қорақалпоғистон халқ таълими аълочиси” кўкрак нишони билан мукофотланди.
Устознинг ҳозирги кунда ҳарбий ва бошқа соҳаларда фаолият олиб бораётган жуда кўплаб шогирдлари бор. Юртимиз равнақига ўз ҳиссаларини қўшаётган шогирдлари билан у доим фахрланади.
Чарос АРСЛОНОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
