21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 21:56
Мақолалар 👁 249

ЎЖАР ҚАЙНОНА ВА АҲИЛ ОВСИНЛАР

ЎЖАР ҚАЙНОНА  ВА АҲИЛ ОВСИНЛАР

(Бўлган воқеа)

Шарифа эна уч ўғил ўстирди. Ўғилларининг учови ҳам ўқимишли, давлат идораларида ишлашади. Шунинг учунми, келин танлашда ҳам ўғилларининг кўнглига қараб ўтирмади, ўқимишли, касб-корли қизларга оғиз солди. Иккала келиннинг бири шифокор, бири эса пиллачилик соҳаси агрономи. Нима бўлди-ю кенжа ўғли Аброржон ўз айтганидан қайтмади, коллежни тикувчилик йўналиши бўйича тугатган қизни танлади. Тағин қўшни тумандан.

Тиббиёт олийгоҳини тугатиб қўшни туманда ишлаб юрган Аброржон Шодияхондан бошқасига уйланмаслигини айтганида тепа сочи тикка бўлди.

– Қўйсанг-чи, кампир, – деди умр йўлдоши Тангри бобо уни фикридан қайтариш учун, – ҳозирги замонда ёшларнинг кўнглига қарамасак бўлмайди. Суриштирдим, жуда-а яхши оиланинг қизи экан. Ахир ўғлинг ҳам ақлсиз эмас-ку!

– Мен қаёқдаги ўқимаган қиз учун Аброржонимни дўхтирликка  шунча йил ўқитдимми? – қизишди Шарифа эна.

– Ҳов, кампиржон, – кулди Тангри бобо, – менинг онам раҳматлик сени келин қилаётганларида Тангрибой ўғлимни фалон йил ўқитдим, Шарифа ўқимаган экан, демаган эди-ку!.

– Бу бошқа масала...

– Ўғлингга келганда “масала” ўзгариб қолдими?

Тангри бобо кампирининг нозик жиҳатига ишора қилганди. Шарифа эна жим бўлиб қолди.

Барибир тўйдан сўнг ҳам Шарифа эна ўзича “ўқимаган келин”га унчалик рўйхушлик бермай юрди. Рўзғори бўлак катта келини Насиба шифокор бўлгани учунми, сал шамолласа ҳам ётиб олади-да, қўнғироқ қилади. Бояқиш келин ишдан чиқиб ҳам, ишига бораётиб ҳам қайнонасининг аҳволидан хабар олишни канда қилмайди. Иккинчи келини эса уч фарзандини боғчага ташлаб, ишга чиқиб кетаверади. Болаларни боғчадан Тангри бобо ёки Шарифа эна олиб келишади. Пилла қурти парвариши мавсумида-ку пиллачи келин кеча-кундуз тиним билмайди. Бундай пайтларда ошхона-ю, барча уй юмушлари, бола тарбияси ҳам Шарифа энанинг ўзига қолади. Аброржон уйлангач, Шарифа энанинг кун тартиби ўзгарди. Янги келинига унчалик рўйхушлик бермаган Шарифа энанинг жони ором топди.

– Оёқ-қўли чаққонгина  экан, ўқимаган бўлсаям, –деди бир куни чолига.

– Нима, ўқиганнинг оёқ-қўлида автомобилникидай тезликни оширадиган мурват бўладими, қизиқсан-а, кампир, – ярим ҳазил, ярим чин гапирди Тангри бобо. – Шу қилиғингни қўй энди, уят бўлади.

– Шунча йил дўхтирликка ўқиган боламни айтаман-да, отаси, ўзига ўхшаган дипломли қизга...

– Бас қил, – жаҳли чиқди Тангри бобонинг, – сенинг ҳам дипломинг йўқ эди, мен ҳам фалон йил ўқиб дўхтир бўлган эдим. Нима, сен ҳам менинг тенгим эмасмидинг? Ёки уйингга қайтариб юборишим керакмиди?

Шарифа эна ўпкалагандай, чолига орқа ўгириб ўтириб олди. Шунда очиқ турган ошхона эшиги олдида Шодияхоннинг барча гапни эшитиб, аста уй томон йўналганига кўзи тушди-ю, чолига жаҳл билан айтмоқчи бўлган гапи бўғзида қолди.

Аброржон ўзига умр йўлдош танлашда янглишмаганди. Шодия ақлли, шу билан бирга ўз касбининг устаси, ўта мулоҳазали қиз эди. Қисқа фурсат  ичида бутун маҳалла аҳлининг “чевар келин”ига айланди. Кун бўйи уй-рўзғор ишларидан ортиб, баъзан кечалари иш тикди. Қайнотаси ёрдами билан маҳалла гузаридан икки хонали қаровсиз уйни ижарага олиб, чеварлик ишини кенгайтирди. Ёш келинчаклар, қизларга иш ўргатди. Икки-уч йил ичида чеварлик устахонасига 6-7 та янги русумдаги тикув машиналари ўрнатди. Фарзандли бўлгач, бичиш-тикиш ишларини шогирдлари орқали бошқарди. Фаолият кўлами кенгайиб, қўшни маҳаллада, Манғит буюм бозорида ўзи тайёрлаган кийим-кечаклар билан савдо қилувчи иккита дўкон ишини йўлга қўйди.

– Иморатинг битди, қолган-қутганини  ўзларинг кўчиб бориб, эплаб оласизлар, – деди  бир куни пиллачи келини Зубайдага Шарифа эна.

– Ҳозир пилла мавсуми бўлса, болалар билан...

– Ҳай, болам, – келинини гапиргани қўймади Шарифа эна, – ўқиб-ўқиб, кеча-кундуз югуриб-йўртасан, сенинг хизматингни қилайинми, бола-чақангникиними?  Энди ўз аравангни ўзинг торт.

Қайнонасининг гапи келинга оғир ботди. Доим икки келиним ҳам олий маълумотли, деб кўкрагига уриб юрадиган  қайнонасини  танимай қолди. “Биров нимадир дедимикан?”  ўйлади ичида. Лекин сиртига чиқармади. Шарифа эна қатъийлашди. Ҳафта ўтмай, иккинчи ўғлининг ҳам рўзғорини бўлаклади.

Шундай кунларнинг бирида шифокор келини оёғи қайрилиб кетиб, тўпиғидан синди. Шифохонада бир ҳафта даволангач, уйига қайтди-ю, рўзғорнинг майда-чуйда ишлари  унга оғирлик қилиб қолди. Иккала фарзанди ҳам Тошкент шаҳрида таълим олишаётгани учун Анвар хотинининг ош-овқатига ўзи қарайдиган бўлди. Буни кўриб Шарифа эна жаҳл отига минди.

– Мен боламни хотинининг қўлига сочиқ туттириш учун ўқитганмидим?!

– Кампир! – Овозини кўтариб уришиб берди Тангри бобо. – Шундай пайтда бири-бирини суямаса, бундай турмуш нега керак? Нарвондан йиқилиб, оёғинг синганида мен сени опичлаб юрганман-а!

Шарифа эна бу сафар ҳам тилини тишлаб қолди.

– Эна, ҳеч хавотир олманг, – гапга аралашди Шодияхон, – мен ҳар куни чечамнинг уй ишларини қилиб бераяпман. Ахир менинг овсинларим билан сиздан бошқа бу юртда кимим бор?

Шарифа эна баттар мулзам бўлди. Билса, Шодия овсинининг уй юмушларини қилишдан ташқари, ўрин-кўрпасини солиш, йиғиштиришни ҳам бажараётган экан.

– Барака топсин, – деди келини Насибахон Шарифа энага Шодия ҳақида гапираркан. – Қайноғамнинг олдида чўлоқланиб юрманг, деб ҳар куни ўрнимни созлаб, эртасига яна янгидан тўғрилаб беради. Кир-чирларимизни ҳам юваяпти. Зубайда ҳам тез-тез келиб турибди. Кеча нон, сомса ёпган экан, олиб келди.

Шарифа эна келинларининг бунчалик аҳил эканлигини билмас эди. Умрида биринчи марта она бўлиб ўзининг хато ва гумонларга ўралашиб, келинларини бирини-биридан айириб юрганидан пушаймон бўлди, ич-ичидан мамнунлигини сездирмаслик учун аста  ўрнидан қўзғалди. “Кеча-кундуз ишдан бери келмайсан”, деб рўзғорини дабдуруст бўлаклаб ташлаган ўртанча келини Зубайдани ҳам бирров кўриш мақсадида ўғли Азимжоннинг уйи томон йўл олди.

– Ҳай, нодон-а, нодон, – ўзини-ўзи койиб борарди у йўл бўйи. – Сен не десанг  кўниб, бири-бирининг олдидан кесиб ўтмаган келинларингдан ўрган турмушни, одамгарчиликни!

Барибир Шарифа энанинг кўнгли тўқ эди.

Робия ЙЎЛДОШЕВА.

🎬 Видеогалерея Барчаси →
«INFOLIB ÖZBEKISTON–2026» ахборот-кутубхона ҳафталигига старт берилди ▶ «INFOLIB ÖZBEKISTON–2026» ахборот-кутубхона ҳафталигига старт берилди 20.11.2026 Эскирган боғлар ўрнида интенсив боғлар барпо этилади ▶ Эскирган боғлар ўрнида интенсив боғлар барпо этилади 20.11.2026 Сув тармоқларига ноқонуний уланишлар бўйича назорат тадбирлари ўтказилмоқда ▶ Сув тармоқларига ноқонуний уланишлар бўйича назорат тадбирлари ўтказилмоқда 18.11.2026 БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026